UCHAGUZI MKUU SIMBA: WAMBURA ATEMWA, ADAIWA SIO MWANACHAMA HALALI

Kama inavyotarajiwa na kutabiriwa na mashabiki wengi wa soka nchini haswa mashabiki wa klabu ya Simba Wekundu wa Msimbazi, jijini Dar es Salaam,  ni kwamba mgombea katika nafasi ya Mwenyekiti wa Klabu hiyo, Michael Richard Wambura ameenguliwa katika uchaguzi unaotarajiwa kufanyika mwezi ujao.

Akizungumza katika mkutano maaluum na waandishi wa habari uliofanyika katika ofisi za makao makuu ya Shirikisho la Soka Tanzania (TFF), jijini Dar es Salaam, Mweyekiti wa Kamati ya Uchaguzi wa Simba Wakili Dr. Damas Daniel Ndumbaru, amesema Wambura ameondolewa sababu kubwa mbili ya kwanza ikiwa si mwanachama halili wa klabu hiyo.

Wambura alisimamishwa uanachama wa Klabu ya Simba tangu mei 5, 2010 kutokana na kosa la kuipeleka klabu hiyo mahakamani akifungua kesi namba 100/2010 katika mahakama ya Hakimu Mkazi Kisutu iliyoko jijini Dar Es Salaam.

Ndumbaru amesema kuwa Wambura aliwakilisha barua katika Kamati ya Uchaguzi akikiri kuipeleka Simba mahakamani na kuiomba kamati hiyo kumaliza swala lake na kuahidi kutorudia kosa kama hilo, jambo ambalo amepingana na katiba ya klabu, TFF na Shirikisho la Mpira wa Miguu la Kimataifa (FIFA).

Mwenyekiti huyo wa kamati amesema kuwa alipokea barua 2 toka kwa Wambura ikiwa ni novemba 6, 2012 akitaka kujua uhalali wa uanachama wake na nyingine septemba 15, 2012 ikijubu kuwa Simba haina tatizo lolote na yeye.

“Kuna utatata katika barua zake na pia kuna barua tatu sept25,2012 ikieleza pia Simba hawana tatizo na Wambura” alisema Ndumbaru. Aliongeza kuwa kutokana na kamati yake kujiridhidha na maelezo hayo imemuondoa Wambura katika kinyang’anyiro cha uchaguzi mkuu unaotarajia kufanyika mwezi june mwaka huu.

Alieleza zaidi kutokana na maamuzi hayo Wambura hapaswi kujishirikisha na shughuli za Simba kwa kifungu cha katiba no. 12 (3) ya mwka 2010 na ibara ya 12(3) 2014. Alieleza kuwa kama hatoridhika na maamuzi akate rufaa kwenye kamati ya maadili ya TFF.

Amesema pia wengine wote waliowekewa pingamizi wamepitishwa na wataendela na uchaguzi wa june 29 mwaka huu.  Kwa kuondolewa Wambura nafasi hiyo imebaki na watu wawili, Evans alieleeza Aveva na Andrew Peter Tupa, Makamu wa Raisi ni Jamhuri Kiwelo Julio, Godfrey Nyange Kabour, Godfrey Itang’ale Kinesi na Swedi Nkwabi.

Wambua alipotafutwa alisema atazungunza kesho na waandishi, na kwamba leo hayuko tayari kuongea na mtu moja moja.