BREAKING NEWS: VIINI VYA KUUMBA BINADAMU VYAPIGA HATUA KUBWA

MFANO WA KIINI KILICHO KATIKA HATUA ZA MWANZO ZA KUKUA (Picha kwa hisani ya SPL)

Kiini tete cha mwanadamu kilichotumika kuzalisha kiini cha kiumbe cha mwanadamu ambacho hukua na kutengeneza mtoto ndani ya yai linalokuja kuzalisha mwanadamu kimepuga hatua kubwa za kikemikali kwa mujibe wa wanasayansi nchini Marekani.

 Kondoo Dolly Akinyonyeshwa, kondoo huyo aliyevumbuliwa mwaka 1996 ni mafanikio makubwa kisayansi duniani.

Habari kutoka katika mitandao mbalimmbali ikiwemo BBC ziliripoti kuwa kiini hicho kimetumia seli za kupandikiza ambazo zimeweza kutengeneza misuli mipya ya moyo, mifupa, tishu za ubongo, pamoja na seli nyingine za mwili wa mwanadamu.

Utafiti huo uliochapishwa kwenye jarida la seli, umetumia njia kama zilizotumika kuzalisha kondoo maarufu kama Dolly nchini Uingereza miaka ya nyuma.

Watafiti wamedai vyanzo vingine vya viini hivyo vitakuwa rahisi sana, na vya bei nafuu na kutokuwa na mikanganyiko. Hata hivyo wanaharakati na wapinzani wamedai ni kinyume cha maadili ya kiutu na sio sahihi kumtengeneza mwanadamu na kutaka hatua hizo zisimamishwe mara moja.

Lakini wanasayansi wamedai kuwa kiini tete ni matumaini makubwa katika ufumbuzi wa matibabu. Kuweza kutengeneza viini vipya yaweza kusaidia kutibu magonjwa mengi yanayotokana na mshtuko wa moyo au kutibu magonjwa ya uti wa mgongo.

 Mfano wa watoto waliotengenezwa kwa mfumo maarufu kama 'baby clonning'

Yameshakuwepo na majaribio mbalimbali kwa kutumia
viini tete maarufu kama ‘stem cells’ kutoka katika viungo vya kujitolea ili kutibu vipofu.

Kwa maana hiyo kama seli hizo haziendani na mahitaji ya mwili wa mgonjwa, mwili huzikataa mara moja. Kitendo ambacho hutafsiriwa kama matatizo ya viini hivyo kwenye mwili wa mgonjwa.

Utaalamu huo ulitumika kwa mara ya kwanza mwaka 1996, ambapo kondoo maarufu alietengenezwa na kuitwa Dolly alikuwa ndie mnyama wa kwanza kutengenezwa.

Sehemu ya seli ya ngozi ya kondoo mkubwa ilichukuliwa na kupandikizwa ndani ya yai ambalo lilitolewa vinasaba vyote. Kwa kutumia umeme yai hilo liliweza kusaidiwa kuendelezwa na hatimaye kutengeneza kiini cha mnyama.

Kwa mujibu wa wanasayansi, matumizi ya utafiti huo ni kwaajili ya tiba na lengo si kumtengeneza mwanadamu.

Hata hivyo kitendo hicho kimepigwa vita na wanaharakati mbalimbali duniani na kusema ni kinyume na utaratibu wa muumba. Ambapo ni mungu tu ndo mwenye uwezo wa kuumba na sio maahabara.

Wengine wamedai uumbaji ni kitu cha kiungu na sio cha kibinadamu. Wako waliounga mkono na kusema ‘kama una mtoto yuko mahututi hutojali wapi au aina ya tiba inapopatikana’