MEZ B ANUSURIKA KUUWAWA

MSANII wa muziki wa kizazi kipya nchini anayeunda kundi la Chemba Squard Mez B, anusurika kufa mara baada ya kuvamiwa na watu wasiojulikana  na kumkatakata na kisu usoni hali iliyosababisha msanii huyu kuwa na majeraha usoni.

Tukio hilo lilitokea siku ya Ijumaa usiku maeneo ya Carribean Sinza jijini Dar es Salaam ambapo alivamiwa na watu hao wasiojulikana kwa nia ya kumfanyia uhalifu wa kumpora vitu vyake.

Akizungumza na mwandishi wa habari hii Mez alidai kuwa alikuwa akitokea kwa msanii mwenzake ambaye ni rafiki yake wa muda mrefu Noura ndipo mkasa huo ulipomfika.

Alidai kuwa watu hao walikuwa wawili walimvamia akiwa anasubiri usafiri wa kurudi kwake na kumuibia walety yake ambayo ilikuwa na fedha ingawa hakutaka kuweka wazi kiasi cha fedha walichochukua.

Alisema kuwa alijitahidi kupambana nao hali ambayo haikuzaa matunda na ndipo alipoweza kumjeruhi usoni majeraha makubwa yanayosababisha ashindwe kutembea.

"Walinivamia watu wawili, ambao sikuweza kuwafahamu na mbaya zaidi najeruhiwa na watu hao bila ya kupata msaada wowote ule wamefanikiwa kuniibia ingawa simu walishindwa kuichukua" alisema Mez B.

Msanii huyo aliweza kutoa taarifa polisi, na kwenda hospitali kwa ajili ya kutibiwa, hivi sasa yupo nyumbani anauguza vidonda hivyo vilivyotokana na mkasa huo wa kuchomwa na kisu.