HATARI YA KIFO: MABONGE WAONGEZEKA NCHI MASIKINI KULIKO NCHI TAJIRI

Idadi ya watu wenye uzito mkubwa katika nchi zinazoendelea imeongezeka kwa zaidi ya mara tatu toka watu milioni 250 mpaka milioni 904 kwa kipindi cha miaka takriban 30 tokea 1980 mpaka 2008, matokeo hayo ni kwa mujibu wa taarifa iliyochapishwa na watafiti wa nchini Uingereza.

Wakati huo huo idadi ya watu wenye uzito mkubwa imeongezeka kwa zaidi ya mara 1.7 kwa nchi zilizoendelea.

Theluthi moja ya watu wazima duniani sawa na watu bilioni 1.46 wana uzito kupita kiasi (au obese), imedai ripoti hiyo ilioandaliwa na taasisi ya Overseas Development Institute.

Lakini kufikia mwaka 2008watu wengi zaidi walikuwa na uzito mkubwa na katika nchi zinazoendelea sawa na idadi ya watu milioni 904 kuliko nchi za kitajiri ambapo ni watu milioni 557.

Sababu za ongezeko kubwa kiasi hicho katika nchi zinazoendelea tokea mwaka 1980 zinaweza kuwa katika maeneo mawili.

SOMA ZAIDI...

Kwa mujibu wa ripoti hiyo ni sababu ya kwanza ni vyakula vya anasa na sababu ya pili ni aina ya maisha watu wanayoishi.

Watu wengi kwenye nchi masikini wanatengeneza kipato cha kuwatosha kubadilisha mlo toka kwenye vyakula vya nafaka na mboga kwenda kwenye vyakula vya nyama, mafuta na sukari na kuongezeka kwa maisha ya ubwanyenye.

Kwa sababu hiyo, matokeo ya maisha hayo yamesababisha ongezeko la maradhi kama saratani, kisukari, magonjwa ya moyo na kupooza.

“Kilichobadilika,” inaeleza ripoti hiyo, “ni kwamba idadi kubwa ya watu wenye uzito mkubwa ikao katika nchi zinazoendelea, badala ya nchi zilizoendelea”