KITUKO HICHI: AMWIBIA ASKARI MAGEREZA, AFUNGWA MIAKA 5

 Lindi.

 

Mahakama ya Wilaya ya Nachingwea, mkoani Lindi,imemuhukumu mkazi wa kijiji cha Kichangani, kata ya Stesheni, wilayani humo,George Selemani (49) kifungo cha miaka mitano gerezani,baada ya kupatikana na kosa la wizi wa Ng'ombe mmoja mwenye thamani ya Sh,900,000/-mali ya  Stehen Mallya.

 

Hukumu hiyo imetolewa mwishoni mwa wiki iliyopita na Hakimu mkazi mfawidhi wa mahakama hiyo,Cosmas Hemela, baada ya kuridhishwa na ushahidi uliokuwa umetolewa na upande wa mashitaka.

 

Kabla ya kutolewa kwa hukumu hiyo, mshitakiwa alipewa nafasi ya kujitetea ambapo aliiomba mahakama imuonelee huruma kwa kumpa adhabu iliyo nafuu,kwani anafamilia inayomtegemea akiwemo mke na mtoto ambaye kwa sasa anasoma kidato cha nne.ambaye anatakiwa kumgharimia kimasomo.

 

Baada ya utetetzi huo,Hakimu Hemela alimuuliza mwendesha mashitaka mkaguzu wa Polisi, Peter Komba,kama anakumbukumbu ya makosa ya zamani kwa mshitakiwa na kujibu mshitakiwa ni mwizi mzoefu, kwani tayari ameshawahi kufungwa zaidi ya mara mbili kwa makosa ya wizi.

SOMA ZAIDI...

"Mh, Hakimu huyu mshitakiwa ni mwizi mzoefu kwani tayari ameshawahi kufungwa zaidi ya mara mbili kutokana na makosa ya aina hii hii ya wizi"Alisema Komba.

 

Akitoa hukumu kwenye kesi hiyo namba 40/2012,Hakimu Hemela alisema amesikiliza vilio vya pande zote mbili,hivyo kutokana na mshitakiwa kuwa ni mwizi mzoefu na kuwahi kufungwa zaidi ya mara mbili bila ya kujirekebisha, alimuhkumu kifungo cha miaka mitano Jela.

 

Pia, mahakama hiyo imeamuru Ng'ombe aliyeibwa kurejeshwa kwa mlalamikaji ,Koplo Stephen Mallya, ambaye ni askari wa Jeshi la magereza wilayani Nachingwea.

 

Awali ilidaiwa mahakamani hapo na mwendesha mashitaka mkaguzi wa Polisi, Peter Komba kuwa mei 07/2012,usiku katika eneo la kijiji cha Chemu Chemu,wilaya ya Nachingwea na mkoa wa Lindi,mshitakiwa George aliiba Ng'ombe mmoja dume mwenye thamani ya Sh,900,000/- mali mlalamikaji askari magereza Stephen Mallya.

 

Komba aliiambia mahakama hiyo kuwa mshitakiwa alikamatwa na mlalamikaji akisaidiana na wanachi wengine,akiwa tayari ameshamtoa zizini huku akiwa amemfunga kamba na kuondoka naye.

Mwisho.