MWANDISHI WA KITABU CHA JK AKUMBWA NA KASHFA NZITO USA

Dkt. Julius Nyang'oro akitoka mahakamni akiambatana na mkewe (wame
shikana mikono, na mwanasheria aliyetangulia mbele huku wakizongwa
na waandishi wa habari.(picha kwa hisani ya mtandao)

HILLSBOROUGH, Marekani

Mhadhiri wa zamani mwenye kashfa inayohusisha wachezaji kwenye Chuo Kikuu cha North Carolina (UNC), kitengo cha Chapel Hill, Julius Nyang'oro (Pichani Kulia), amefunguliwa mashitaka, akituhumiwa kupokea dola za Marekani 12,000 yakiwa malipo ya mafundisho huku hakuwa na darasa lolote la kufundisha.

Prof. Nyang'Oro alikuwa mwenyekiti wa Kitengo cha Masomo ya Afrika na yale ya Marekani yenye asili ya Afrika kwenye Chuo Kikuu hicho.

Mwanasheria wake,  Bill Thomas, alisema mapema wiki hii kwamba mteja wake anakusudia kupigana na kesi ya udanganyifi wa kimasomo iliyofunguliwa dhidi yake.

Dkt. Nyang'oro bado anachukuliwa hana makosa chini ya sheria yetu,ö Bw.  Thomas, mwanasheria wa Durham, alisema.

Rais Jakaya Kikwete akionesha nakala za kitabu kinachoeleza maisha yake
huku mwandishi wa kitabu hicho, Dkt Julius Nyang'oro (katikati) akishuhudia
pamoja na mke wa Rais, Mama Salma Kikwete siku ya uzinduzi wa kitabu hicho

Kumekuwepo na upande mmoja wa kisa hiki ambacho kimewekwa kwenye vyombo vya habari, lakini atapata fursa ya kuwakilisha utetezi wake. Tunakusudia kuiwakilisha kesi yake mahakamani. Atapigana na mashitaka yaliyofunguliwa dhidi yake,ö alisema mwanasheria huyo.

Hata hivyo, Bw. Nyang'oro alijiuzulu uenyekiti 2011 wakati wa uchunguzi kwenye chuo hicho ambao uligundua baadhi ya madarasa katika kitengo hicho walimu walikuwa hawafundishi, mabadiliko ya kiwango yasiyowekewa kumbukumbu na saini batili za kitengo kuhusu taarifa za viwango.

Kashfa hiyo ilichangia kuondoka kwa mkufunzi wa soka, Butch Davis na kujiuzulu kwa mkuu wa chuo hicho, Holden Thorp.

SOMA ZAIDI...

Akipatikana na hatia, Bw. Nyang'Oro anaweza kutumikia kifungo gerezani cha miezi 10. Hata hivyo, uongozi wa chuo ulisema ulizipata dola hizo 12,000 kutoka katika hundi ya mwisho ya malipo kwa Bw. Nyang'Oro.

Kwa mujibu wa shirika la habari la Marekani la 'Associated Press, mwanasheria wa Jimbo la Orange, James Woodall, alisema Prof. Nyang'Oro alipaswa kutoa mihadhara darasani ya mara kwa mara majira ya joto kwa mwaka 2011.

Lakini, Bw. Woodall alisema badala yake Prof. Nyang'oro alikuwa akitoa mhadhara huru wa masomo ambao ulihitaji wanafunzi kuandika mitihani ambayo haikufanywa.

Chuo pia kiligundua kwamba kozi hiyo iliyokuwa ikitolewa na Prof. Nyang'oro, ambayo ilikuwa nyongeza ya mwisho katika ratiba ya masomo, ilikuwa ikihudhuriwa na wachezaji 18 wa mpira wa miguu na mchezaji wa zamani wa mchezo huo.

Taarifa ya uchunguzi wa chuo kuhusu kashfa ya udanganyifu wa masomo iliyotolewa mwaka jana ilimlenga Prof. Nyang'oro na afisa utawala wa idara ambaye pia amejiuzulu wadhifa wake.

Timu ya uchunguzi iliyoongozwa na Gavana wa zamani, Jim Martin, ilihitimisha kwamba udanganyifu huo haukuhusisha kitengo kingine au watu wengine wa idara ya michezo.

Martin, mhadhiri wa zamani wa kemia wa chuo hicho, alisaidiwa na washauri wenye uzoefu katika uchunguzi wa kimasomo.

Baada ya mapungufu ya mbinu iliyotumika ya ripoti hiyo kujulikana, Martin na maafisa wa chuo hicho walisema walikosa nguvu za hati za Kitengo cha Upelelezi cha Jimbo (State Bureau of Investigation, au SBI), kuwalazimisha watu kujibu maswali na kutoa ushahidi.

"Chuo hicho na Bw. Woodall waliitegemea SBI kusaidia kujua kama matendo yoyote ya uhalifu yalikuwa yametokea, kwani SBI ilikuwa na nguvu pana za kiuchunguzi ambazo chuo kilizikosa," alisema Bw. Tom Ross, rais wa mfumo katika Chuo Kikuu cha Jimbo.

Bw. Ross aliongeza kusema katika taarifa yake Jumatatu kwamba ushirikiano unaoendelea wa chuo wenye mchakato wa kiuhalifu utaendelea katika hitimisho lake.

Bw. Martin alisema kulikuwa hakuna ushahidi kwamba idara ya michezo ya chuo iliwalazimisha wanafunzi kuchukua kozi zenye taratibu zisizoeleweka ambazo zingewafanya wanamichezo kustahili kushiriki mashindano.