MAJANGA: ATUMIA ZAIDI YA MILIONI 20 ILI KUFANANA NA SHETANI

Kweli duniani kuna mambo, watu wanatumia hela nyingi kufanana na midoli (Barbie), wengine kuchubua ngozi zao mpaka kuwa wazungu, nimeona pia watu wanatumia hela nyingi sana kubadili maumbile yao.

Hii inashangaza zaidi kwani sidhani kama umeshasikia mtu anatumia zaidi ya paundi za Uingereza 10,000 ( milioni 20 za kitanzania ) kujibadilisha ili afanane na shetani.

Diablo Delenfer mwanaume mwenye umri wa miaka 43 ambaye jina lake halisi ni Gavin Paslowone kutoka eneo la Kent nchini Uingereza amejibadilisha ili kufanana na shetani anayepumua na kuishi kwa gharama ya pauni 10,000.

Baba huyo mwenye watoto wawili ambaye ameachana na mkewe anasema mabadiliko hayo magumu na yenye gharama kubwa alianza kufanya mwaka 2007. Kufikia sasa ameshakata ulimi wake ili kuwa na ndimi mbili, kabadilisha meno yake kuwa na ncha kali, kujiweka mapembe kutokea kwenye paji lake la uso.

SOMA ANGALIA NA PICHA ZAIDI...

Sasa hivi anataka kuweka nati kwenye fuvu la kichwa chake ili aonekane kuwa na manundu na ming’ao ya kishetani.

“Nilichagua kuwa Shetani Mtu ‘Devil Man’ sababu kila kitu kimeshafanywa hapa duniani. Mi sio shetani na wala sina mawazo hayo – ni furaha tu ya moyo wangu. Napenda ninavyoonekana, haswa ninacho hitaji kwa sasa ni mkia. Na sio mkia wa bandia – mkia halisi, wenye kuishi”

Delemfer amechonga maskio yake kuwa na ncha na kuchora tattoo kwenye sura yake na mikono. Kufanana kwake na shetani kumemsababisha zoezi la kupata msichana kuwa gumu sana.