KIKI YA RONALDO YAVUNJA MKONO MTOTO

 Mtoto wa miaka 11 ambaye ni shabiki wa soka amevunjika mkono wa kushoto baada ya kupigwa na mpira wa shuti kali alilopiga mchezaji maarufu duniani Cristiano Ronaldo.

Kwa mujibu wa mtandao wa habari wa televisheni ya Sky, kijana Charlie Silverwood amevunjika sehemu mbili katika mkono wake wa kushoto baada ya kiki hiyo ya umbali wa yadi 35.

Hata baada ya kuumia kijana huyo hakuwa tayari kuondoka uwanjani kwaajili ya matibabu ambapo timu yake ya Bournemouth ilipokuwa inacheza mechi ya kirafiki na Real Madrid jumapili na kubaki kwa kipindi cha dakika 84 zilizokuwa zimebaki.

Baada ya kufanyiwa xray alipopelekwa hospitali baada ya kuisha mechi, mtoto huyo alionekana kuvunjika mara mbili mkono wake.

“Ni namna ya ajabu sana mtu unavyoweza kuvunjika mkono” alisema “lakini nakubali kuwa ni bora kuvunjika kwa sababu hiyo kuliko kuvunjika kwa kuanguka toka kwenye mti kama ilivyowahi kumtokea baba yangu”

“usingetegemea hii kumtokea mtu yeyote. Kama nisingeinua mkono wangu wa kushoto juu na kujaribu kuzuia mpira ule basi ungetua usoni na ningeweza kupoteza jino la mbele”

Baba wa mtoto huyo Lee, ambaye pia ni shabiki wa Bournemouth alisema “ dakika moja tukimuangalia Ronaldo amesimama na mpira, na dakika iliyofuata mpira ulikuwa unamfuata Charlie”

Lakini haikuwa taarifa mbaya sana kwani Charlie aliambulia jezi ya Real Madrid iliyosainiwa.

Ronaldo, 28, aliifungia timu yake magoli mawili. Timu hiyo ilimtumia Charlie jezi kupitia mkongwe wa timu ya Bournemouth, Steve Fletcher, kumpa pole Charlie.

Charlie pia alipata mpira uliosainiwa na wachezaji wa timu hiyo.