DOGO LINA AWABEBA AKINA JUMA NATURE

HATIMAYE siri ya ushindi wa kundi la Tmk Wanaume Halisi linaloongozwa na msanii Juma Kassim Kiroboto 'Sir Nature' yafichuka baada ya mashabiki kubaini kuwa msanii chipukizi Hamisi Fadhiri 'Dogo Lina' (8) ndiye aliyesababisha ushindi huyo kwa kuonyesha ubunifu wa kuimba na kucheza huku akiongoza awamu ya kwanza ya mpambano huo pamoja na mtindo wa mchiriku waliotumia kuingia nao jukwaani hapo hali iliyoibua hisia kwa mashabiki wao

Dogo Lina ambaye ndiye inasemekana amesababisha ushindi katika kundi hilo alipanda jukwaani hapo akiwa makini kuwateka mashabiki wengi huku akitumia ubunifu pamoja na kucheza kwa umahili miondoko ya mchiriku

Akizungumza na jarida hili baada ya shoo hiyo Dogo Lina alisema kuwa aliamini uwepo wake katika mpambano huo utazaa mfanikio na ndio maana amehakikisha kutumia mbinu ya kipekee ili aweze kufanikisha ushindi huo

Alisema kuwa anaamini ushindi huo umetokana na yeye kuwepo kwa kuonyesha ushirikiano kwa wasanii wenzake akiwemo Sir Nature katika kuwafanya mashabiki waamini kuwa wanahaki ya kuwa wafalme wa Temeke

Kwa upande wake kiongozi wa kundi hilo Sir Nature alisema kuwa aliamini ushindi ungekuwa wao kutokana na kazi yao kukubalika na mashabiki na uzoefu walio nao kwenye upande wa muziki wa bongo fleva

Alisema kuwa uzoefu pamoja na ubunifu ndio sababu inayomsababisha kuendelea kubaki na mashabiki wengi tofauti na wasanii wengine ambao hawajui wanataka nini kwenye kazi ya muziki hali inayosababisha hawaufanyii chochote muziki na badala yake wanataka muziki ndio uufanyie kitu hali inayopoteza maana ya muziki

"Niliamini kabisa kuwa mimi ndiye mfalme wa Temeke, nilisema awamu ya pili hawatafika sisi ndio wazee wa tatu bila hatulembe tunajua nini tunafanya " alisema Nature

Pamoja na hayo kundi la Tmk Wanaume Family lililokuwa chini ya Said Juma 'Chege Chigunda' kwenye upande wa shoo walionyesha umahili wao pia kwa kupanda jukwaani huku wakiwa wameziba sura zao na kufanikiwa kuwateka mashabiki ingawa ushindi ulibebwa na kundi la Wanaume halisi

Mpambano huo ulifanyika Jumapili ya Pasaka ambapo ulijumuisha makundi hayo mawili huku Dj John Dilinga 'Dj JD' ndiye aliyekuwa anaongoza kwa upande wa uamuzi pamoja na mashabiki na ndipo mashabiki walipoamua Juma Nature kuwa mfalme wa Temeke baada ya kuibuka kidedea