INSPECTORY HAROUN 'AVULIWA VIATU' JUKWAANI

Huyu ni shabiki aliyepewa kiatu na msanii mkongwe wa muziki wa kizazi Inspectory Haruni katika ukumbi wa Dar Live Mbagara jijini Dar es Salaam katika mpambano wa kumsaka mfalme wa TMK wanaume uliofanyika siku ya Pasaka 

 MSANII wa muziki wa kizazi kipya Haroun Kahena maarufu kama Inspector Haroun mzee wa mboga saba amejikuta akirudi nyumbani kwake  'pekupeku' baada ya mashabiki wake kunga'ngania viatu vyake katika jukwaa la Dar live jijini Dar es Salaam wakati wa mpambano wa kumtafuta mfalme wa Temeke uliofanyika Jumapili ya Pasaka

Mpambano huo ulikuwa unapambanishwa na makundi mawili ya Temeke yenye ushindani na mashabiki wengi likiwemo kundi la Tmk Wanaume Family linaloongozwa na Said Fella' Mkubwa na wanawe' pamoja na Tmk Wanaume Halisi linaloongozwa na Juma Nature

Inspectory Haruni alifikia hatua ya kuacha viatu kwa mashabiki wake kutokana na kuona mashabiki kumkubali kwa kupiga nyimbo zake za zamani hali iliyompa faraja na kuona kuwa kazi yake bado inathamani kubwa kwa mashabiki wake

Akizungumza baada ya shoo hiyo Inspectory alisema kuwa hajutii kuacha viatu vyake kwa mashabiki wake kwani ni moja ya kuonyesha furaha yake kwao kwa kuikubali kazi yake ambayo yeye alihisi imesahaulika kutokana na nyimbo alizoimba kuwa ni zamani hivyo alishangazwa kuona hali ilikuwa tofauti na bado kazi hizo ziko kwenye vichwa vya mashabiki wake

Alisema kuwa nyimbo za zamani bado zinafanya vizuri na mashabiki wanastahili kuendelea kusikia nyimbo hizo kwani ndio nyimbo zilizojaa ubunifu kuanzia mashahili mpaka mtiriliko mzima wa kazi yenyewe hali ambayo kwa sasa ni tofauti kwani muziki umekosa radha iliyokuwepo wakati huo

Inspector Haroun ambaye pia  ni msanii wa muda mrefu mwenye maskani yake Temeke ambaye ametamba na nyimbo ya Asali wa moyo naye alisindikiza mpambano huo

Inspector Haruni a.k.a Babu akifanya makamuziki katika jukwaa la Dar live