POMBE YAMPELEKA KUZIMU, MWILI WAKE WAOKOTWA UMEHARIBIKA

Tunduru

Mkazi wa Kijiji cha Sisikwasisi Wilayani Tunduru mkoani Ruvuma aliyefahamika kwa jina la Makelele Omary (38) amefariki dunia katika tukio lililosababishwa na ulevi wa kupindukia.

Taarifa za tukio hilo zinaeleza kuwa, tukio hilo lilitokea kati ya marchi 18 na 20 mwaka huu, kabla ya mwili wake uliokotwa na wasamaria wema machi 21 mwaka huu  ulikutwa ukiwa umeharibika vibaya. 

Mashuhuda wa tukio hilo walisema kuwa tukio hilo lililotokea katika eneo la makutano ya Mito Muhuwesi na Nampungu ambako inadaiwa kuwa alikwenda kwa ajili ya kutafuta kibarua ili kumuwezesha kuihudumia familia yake marehemu alikunywa pombe nyingi haramu aina ya gongo huku akiwa hajala chakula.

Mganga aliye uchunguzi mwili wa marehemu Omari, Dkt. Joseph Ng’ombo pamoja na kudhibitisha tukio la kifo hicho alisema kuwa chanzo cha kifo hicho ni ulevi wa kupindukia huku akiwa hajala chakula.

Kamanda wa Polisi wa Mkoa wa Ruvuma Bw. Akili Mpwapwa pamoja na kudhibitisha kuwepo kwa tukio hilo alisema kuwa jeshi la polisi linaendelea kufanya uchunguzi wa kina ili kujiridhisha chanzo cha kifo hicho.