ANASWA KWA TUHUMA ZA KUUZA SILAHA

Tabora

JESHI La Polisi Mkoani Tabora limemkamata mkazi mmoja wa Mjini Kigoma kwa
kuwa na Bunduki ya Kivita pamoja na magazine yake.

Kamanda wa Polisi Mkoani Tabora, Kamishna Msaidizi wa Polisi, Peter Ouma,
amemtaja kuwa ni Salumu Musa maarufu kwa jina la Malembeka aliyekamatwa
katika stendi kuu ya Mabasi mjini Tabora akitokea Kigoma kwenda wilayani
Sikonge.

Akizungumzia kukamatwa kwa mtuhumiwa huyo, Kamanda Ouma alisema mtu huyo
alikamatwa na mkuu wa upelelezi wilaya ya Sikonge majira ya saa nne usiku
katika stendi kuu ya mabasi ya mjini Tabora.

"Mtuhumiwa salum Musa alikamatwa usiku wa saa nne katika stendi kuu ya
mabasi akiwa njiani kuelekea sikonge kutokea Kigoma"Alieleza kamanda Ouma."

Kamanda Ouma alisema Polisi itaendelea kushirikiana na wananchi huku
akiwataka wananchi kuwa macho katika kipindi hiki cha sikukuku za krismasi
na mwaka mpya kwa kulinda mali zao na familia.

 Pia alisema jeshi la polisi pia limekamata gobole moja pamoja na zana za
uhalifu kama ikiwemo vipande vya vyuma na baruti vinavyodhaniwa kutumika
katika matukio ya uhalifu.