BREAKING NEWS: MICROSOFT YAINUNUA NOKIA

Kampuni ya Microsoft imeingia makubaliano ya kununua kampuni ya simu za mkononi ya Nokia kwa kiasi cha shilingi trilioni 11.5 (uro bilioni 5.4 au dola bilioni 7.2).

Nokia pia itatoa leseni zake za hati miliki pamoja na ramani za huduma zake kwa kampuni ya Bill Gates ya Microsoft.

Kwa mujibu wa mitandao mbali mbali duniani ikiwa ni pamoja na BBC, Sky News, CNN, USA Today, Makampuni hayo kwa pamoja yalinukuliwa mbele ya waandishi wa habari kuwa makubaliano hayo yatakamilika mwanzo ni mwa mwaka 2014, wakati ambao kiasi cha wafanyakazi 32,000 wa Nokia watahamishiwa kwenye kampuni ya Microsoft. Wakati Nokia ikikumbwa na ushindani mkali kutoka kwa washindani wake Samsung na Apple, Microsoft imekuwa ikikosolewa kwa kutokuwa na kasi ya kutosha kwenye soko la simu za mikononi.

“Ni hatua kubwa kwa siku zijazo – ambapo ni mafanikio makubwa kwa wafanyakazi, wanahisa na wateja wa makampuni yote mawili” alisema Steve Ballmer, Mtendaji Mkuu wa Microsoft

Makubaliano hayo yanasubiri baraka za wanahisa na wadhibiti.