ROHO NZURI YAMTAJIRISHA OMBAOMBA

Jamaa mmoja ombaomba alijikuta akiambulia utajiri bila kutegemea kisa tajiri wa roho. Na ndipo usemi wa roho ya utajiri unapokuwa na maana.

Billy Ray Harris, ombaomba asiye na makazi alirudisha pete ya uchumba yenye thamani ya mamilioni ya dola za Kimarekani kwa mmiliki wake hivi karibuni.

Mmiliki huyo aliidondosha pete hiyo iliyopambwa na almasi kwenye kikombe wakati akitoa chenchi kama msaada kwa ombaomba huyo.

Mmiliki wa pete hiyo Bi. Sarah Darling na mchumba wake wakaamua kuchangisha fedha  kwa ajili ya Billy ili kumshukuru. Na ndipo watu wengi walipoamua kujitolea na hatimaye kupatikana kiasi cha dola za Kimarekani 180,000.

Pamoja na fedha hizo, Billy alijipatia nyumba na kumfanya aagane na maisha ya kulala mitaani.