MDINGI JELA KWA CHABO, ALIJIFICHA KWENYE SHIMO LA MAJITAKA

Mwanaume mmoja mwenye umri wa miaka 52 amehukumiwa kifungo cha mwaka mmoja na faini ya takribani shilingi milioni 8 (karibu sawa na dola za kimarekani 5000) baada ya kupatikana na kosa la kupiga chabo.

Bw. Keneth Enlow(Pichani Kulia) alikamatwa mwezi wa saba baada ya mwanamke mmoja na mwanae wa miaka 7 kumshtukia baada ya kusikia kitu kinasogea kwenye shimo la choo walichokuwa wanakitumia eneo la White Water huko Sand Springs, Oklahoma Marekani.

Mama huyo, Ambra Reynolds(Juu Pichani akiwa na mwanae) alipoangalia kwa karibu akamuona Bw.Enlow akimchungulia chooni kutokea kwenye shimo hilo la maji machafu. “sio jambo la kwaida unapokuwa unajisaidia” alisema Bi. Reynolds.



“nilipiga mayowe, nikamchukua mwanangu, njiani nikambeba na mwanangu wa kiume aliyekuwa anatusubiri na kutoka nje nikiwa na wasiwasi mkubwa” alisema mama huyo.


Kundi la waokoaji walikuja na kumuibua Bw. Enlow akiwa ametapakaa vinyesi mwili mzima na kumsafisha kwa kutumia mpira wa maji.

Alikubali kosa katika mahakama ya Tulsa la kupiga chabo wiki iliyopita na kuhukumiwa.