AJALI TENA MOROGORO, MMOJA APOTEZA MAISHA

Taarifa tulizozipokea kuhusu ajali iliyotokea tarehe 01/01/2014 na kusababisha kifo cha mtu mmoja ilitokea mkoani Morogoro eneo la Kidoma, Mikumi, saa tisa alasiri katika barabara ya Iringa/Morogoro wilayani Kilosa.

Ajali hiyo ilisababishwa na basi la TAQWA lililokuwa kwenye mwendo kasi na kukutana na scania ya mizigo. Pamoja na kifo cha mtu mmoja, ajali hiyo ilisababisha majeruhi 15.

Basi aina ya Nissan la kampuni ya TAQWA lenye usajili T776CRN, lilikuwa linaendeshwa na dereva Bw. Hamad Baro, lilikuwa linatoka Mbeya kuelekea Dar es Salaam.

Wakati gari la mizigo aina ya Scania yenye usajili T220BTG na tela T220BTG likitokea Harare, Zimbabwe kuelekea Dar es Salaam.