IPHONE 5 YAUA MTU

 APPLE KUCHUNGUZA

Kampuni ya Marekani ya Apple Inc inachunguza tuhuma za China kwamba mwanamke aliyekufa baada ya kupigwa shoti ya umeme alipokuwa anajaribu kupiga simu kwa kutumia Iphone5 wakati inachaji.

Ma Ailun, mfanyakazi wa shirika la ndege la China Southern Airlines, alikuwa anapokea simu aliyopigiwa alhamisi iliyopita ndipo inadaiwa alipopigwa shoti, polisi ilidai katika ripoti yake ya jumapili. 

Kwa mujibu wa shirika la habari la China, Xinhua, wakati polisi wanaendelea na uchunguzi wake, haijaweza haswa kudhibitisha sababu ya kifo hicho ni nini, kama ni simu au kitu kingine.

Katika taarifa iliyopokewa na shirika la habari la Marekani, CNN, Apple imesema “tumeguswa na kusikitishwa sana kusikia taarifa hizi mbaya na kutuma rambirambi zetu kwa familia ya Ma. Tutachunguza kwa undani na kutoa ushirikiano wa kutosha kuhusiana na suala hilo”

Mijadala imekuwa ikiendelea kwenye mitandao ya jamii haswa swali kubwa likiwa ni imekuwaje Mchina huyo mwenye miaka 23 anaeishi Xinjiang jimbo la Uygur afe kwa simu. 

"Natumaini kuwa Apple Inc. Itatoa maelezo. Pia nategemea wote mtaacha kutumia simu zenu wakati ziko kwenye umeme zikiwa zinachaji " dada yake Ma aliweka kwenye maelezo hayo kwenye mtandao wa kijamii wa Weibo, mtandao wa Kichina unaofanana na Twitter kwa huduma zake.

Wakati huo huo, baba yake Ma, Ma Guanghui, alisema mtoto wake alipigwa shoti na kuongeza kuwa mwili wake unaonesha dalili zote za kupigwa shoti, Xinhua ilieleza

Lakini katika ripoti ya jumatatu ya Xinhua ilidai kwamba simu za mkononi zina toa umeme kidogo sana wenye volt 5, ambao hauwezi kuudhuru mwili wa mwanadamu.