DARUBINI YA NASA (HUBBLE) YAGUNDUA MWEZI MPYA

Darubini ya anga ya Hubble ya Nasa imegundua mwezi mpya unaozunguka sayari ya Neptune, Nasa imedhibitisha habari hizo.

Kwa mujibu wa habari za mtandao wa BBC kitengo cha sayansi na mazingira, mwezi huo uko katika vipimo vya S/2004 N 1, huu ni mwezi wa 14 ulionekana ukizunguka sayari hiyo kubwa. Mwezi huo pia unaonekana kuwa ni mwezi mdogo zaidi unaoizunguka Neptune katika umbali wa kilomita 20 (maili 12), na mwezi huo unakamilisha mzunguko wake kila baada ya saa 23.

Mwana anga wa Kimarekani, Mark Showalter aliona kakitu kadogo kama nukta wakati anachunguza ukanda unaozunguka sayari hiyo ya Neptune.

Nasa imedai kuwa mwezi huo umefifia zaidi ya mara milioni 100 kuliko nyota inayoweza kuonekana kwa jicho la kawaida. Ni kadogo sana kiasi kwamba chombo cha anga kilishindwa kuuona mwezi huo mwaka 1989 wakati chombo hicho kinaizunguka sayari hiyo.

Bw Showalter alitumia mbinu yake ya cheche nyeupe iliyokuwa ikitokea kila mara kwa zaidi ya mara 150 na kisha piga picha kwa kutumia darubini ya Hubble kati ya mwaka 2004 na 2009.

Kwa mujibu wa BBC Bw. Showalter  alieleza “huo mwezi unakenda haraka sana hivyo ilitulazimu kutafuta namna ya kufuatilia mwenendo wake ili kupata maelezo ya kutosha ya mfumo huo”.

“ni njia ile ile mpigapicha anayotumia kumpiga picha mkimbia anayekwenda kwa kasi ambapo mkimbiaji anaendelea kuonekana wakati nyuma yake panakuwa hapaeleweki” alimaliza