BREAKING NEWS: BOMU LALIPUKA KWENYE MKUTANO WA CHADEMA

YADAIWA WATU 5 KUPOTEZA MAISHA

 

Picha  kwa hisani ya mtandao

habari zilizotufikia hivi punde zinasema kuwa katika mkutano wa kuhitimisha kampeni za lala salama eneo la Soweto jini Arusha, bomu limelipuka na kuua na wengi kujeruhiwa.

ilikuwa ni saa kumi na mbili kasorobo wakati hotuba zimeisha, wakati wajumbe wa CHADEMA wakiendelea kukusanya michango kikatupwa kitu na kulipuka kati akundi la watu.


Katika mkutano huo walikuwepo viongozi wa juu wa CHADEMA, Mh. Freeman Mbowe na Mh. Godbless Lema ambao inasemekana mpaka sasa wako eneo la tukio.

Hali ni mbaya jijini Arusha, polisi wamefika katika eneo la tukio kujaribu kutuliza ghasia lakini wakaambulia kupigwa na kufukuzwa, hata baada ya kutumia mabomu ya machozi haukusaidia.

Milio ya risasi inasikika kila upande wakati majeruhi wamekimbizwa hospitali ya Seliani na Mount Meru kwa matibabu.

Idadi kamili ya walikufa haijapatikana, inasemekana zaidi ya watu watano wamepoteza maisha.

Mpaka tunakwenda mitamboni, hatujafanikiwa kumpata kamanda wa mkoa wa Arusha, bado tunaendelea kufuatilia ili kukujuza

Fuatilia kwenye blog hii kujua nini kinaendelea