SERIKALI YAPELEKA TANI 200 ZA MAHINDI KWA WAATHIRIKA WA MAFURIKO RUFIJI

Na. Mwandishi Maalum.

Serikali imepeleka tani 200 za mahindi ya chakula cha msaada kwa waathirika wa maafa ya mafuriko wilayani Rufiji , kufuatia mafuriko hayo kuathiri mashamba na chakula cha akiba cha wakazi wa tarafa za Mkongo, Ikwiriri na Mhoro za wilaya hiyo.

Akizungumza wakati wa ziara ya kukagua athari za maafa ya mafuriko wilayani humo tarehe 16 Februari, 2016, Waziri wa Nchi Ofisi ya Waziri Mkuu (Sera, Bunge, Ajira na Wenye Ulemavu), Jenista Mhagama alibainisha kuwa jukumu la serikali kuwa ni kuhakikisha kuwa inawajengea uwezo wannachi uwezo wa kukabili maafa pindi ya napotokea.

“Awali Maafa yalipotokea tulitanguliza tani 100 za mahindi na sasa tunaongeza nyingine tani 200 za mahindi hivyo tutakuwa tumeleta tani 300 za awali lakini hatuaishia hapo tumewaleta sasa na mbegu za mahindi tani 3 na mtama tani 2. Lengo letu mlime kwani serikali haiwezi kuwalisha katika kipindi cha mwaka mzima lakini mkitumia mahindi haya mtaweza kukabili upungufu wa chakula unaowakabili ” alisema Mhagama


Mhagama aliongeza pamoja na serikali kupeleka mahindi hayo katika wilaya hiyo lakini bado wataalamu wake wanaendelea na tathimini ya kina ili kuweza kubainisha mahitaji halisi ya chakula na mbegu wilayani humo hali itakayo hakikisha wananchi wa wilayani humo wanakuwa uhakika wa chakula .

“Tunawaletea mbegu za mahindi na mtama ni wajibu wenu kupanda mbegu hizo kwa maelekezo ya wataalamu. Nataka wale wote wanaolima na kuishi mabondeni wahame, kwani ukilima mabondeni mafuriko yakija yanaharibu mashamaba yote hali ambayo itakuwa imeharibu juhuhudi za serikali za kuwapatia mbegu hizi”

Awali akiongea katika ziara hiyo, Mkuu wa wilaya hiyo, Nurdin Babu, alimhakikishia Mhe. Waziri Mhagama kuwa watawahamasisha wananchi wote wanaoishi mabondeni kuhama katika maeneo hayo na kuhamia katika sehemu salama na mafuriko.

“Nimeshaongea na viongozi katika ngazi za tarafa hizi amabazo hukumbwa na mafuriko kuwa wawaeleze wananchi waanze kuhama mara moja katika maeneo hayo ya mabondeni na wahamie sehemu zenye miinuko na kwa juhudi hizi za serikali za kuwapatia chakula na mbegu za mazao yanayostawi kwa mda mfupi wataweza kukabili hali ya upungufu wa chakula” alisisitiza Babu

Babu alifafanua kuwa Tarafa za Mkongo, Ikwiriri na Mhoro wilayani Rufiji zilikumbwa na mafuriko mwishoni mwa mwezi Januari, 2016, baada ya kufurika kwa mto Rufiji unaopokea maji ya mvua zinazoendelea kunyesha Iringa, Mbeya na Morogoro ambayo mito yake inamwaga maji katika mto Rufiji.