UCHAGUZI SIMBA: MATOKEO YA AWALI, AVEVA AIBUKA MSHINDI, KABURU NAYE JUU

Matokeo ya awali ambayo yamepatikana kutoka chumba cha kuhesabia kura ukumbi wa Bwalo la Maofisa wa Polisi, Oysterbay, Dar es Salaam, Evans Elieza Aveva ameshinda Urais kwa kupata kura 1452 kati ya 1845 zillizopigwa, mpinzani wake Andrew Tupa akipata kura 387 wakati kura sita zimeharibika.

Hata hivyo, matokeo rasmi ya uchaguzi huo yatatangazwa na Kamati ya Uchaguzi ya klabu hiyo chini ya Mwenyekiti Dk Damas Ndumbaro.

Geoffrey Nyange 'Kaburu' ameshinda Umakamu wa Rais Simba, akimshindea mpinzani wake wa karibu Jamhuri Mussa Kihwelo na Swedi Nkwabi. Hata hivyo, hizo ni taarifa za awali, matokeo kamili yatatangazwa na Kamati ya Uchaguzi baadaye.