MWANAUME ADHANIWA KUAMBUKIZA VVU

MWANAMUME Richard Thomas ambaye amefungwa gerezani kwa kumbaka mwanamke anasubiri matokeo ya vipimo vyake kama ameambikizwa virusi vya Ukimwi kutoka kwa mwanamke huyo.

Bw. Thomas alihukumiwa kifungo cha miaka mitano na miezi minne gerezani baada ya kukiri kumbaka mwanamke huyo nyumbani kwake mjini Leigh, Greater Manchester.

Mbakaji huyo alifahamu kuwa mwanamke huyo ni mgonjwa lakini hakuweza kujua kama mhanga wake ana VVU na alizimia wakati polisi walipomjulisha, Mahakama ya Liverpool Crown ilizikiliza.

Kwa mujibu wa BBC, Bw. Thomas, 27, kutoka mtaa wa Sandringham Drive, Leigh, alimbaka mwanamke huyo wakati alipokuwa amekunywa kidonge cha usingizi.


KOSA LAKE

Alisema alikuwa amekunywa pombe kupita kiasi na kutumia dawa za kulevya, na alishindwa kukumbuka shambulizi lake, lakini alimuamini mwanamke huyo, Mahakama hiyo ilisikiliza.

Bw. Thomas aliingia ndani ya nyumba ya mwanamke huyo usiku wa manane bila ya kualikwa na muathirika huyo, ambaye alikuwa ameuchapa usingizi na aliposhituka alimuona Bw. Thomas akimbaka.

Harry Pepper, akiendesha mashitaka, alisema: "Mwanamke huyo alishikwa na mshangao kuwa na hakukuwepo na matamshi baina yao. Bw. Thomas alichukua nguo zake na kuondoka."

Kwa mujibu wa BBC, hakimu Mark Brown aliuelezea ualkifu huo kama wa "kutisha".

Mwanasheria wa Bw. Thomas, Virginia Hayton, alisema: "Ni kosa lake mwenyewe huyo mwanamume, kama asingefanya kosa hili asingejiweka katika sehemu hii.".