TEMEKE STAR SEARCH - Temeke Mpo...?

Waanzilishi wa Temeke Star Search, kutoka kulia ni Haji Juma ( mcheza sinema), Christoms Mwingira aka DJ Snox (mmoja kati ya vijana watatu wanaounda kundi maarufu la Mabaga Fresh la muziki wa bongo flava), Jumanne Iddi ( Mshindi wa kwanza wa Bongo Star Search 2006) na Anthony Evarist (mmiliki wa studio ya Tony Entertainment) wakiwa pamoja njee ya ofisi za Majira leo.

Temeke Star Search

Kwa kujitolea na kwa nia njema kabisa vijana hawa (pichani Juu) wameamua kuibua vipaji wilayani Temeke jijini Dar es Salaam, ili kuwanufaisha wenye vipaji. Vijana hao ambao wao wenyewe ni wasanii wamekutana wakiamini wanaweza kubadili mwelekeo wa sanaa nchini.

Kundi hilo linaloundwa na makampuni mawili ya Tony Entertainement na Haji Production wamedhamiria kuwakwamua vijana pamoja na wasanii kwa kuwapa nafasi hiyo hadimu.

Vijana hao Tony, Haji Christoms na Jumanne ambao ni wakazi wa Temeke wanaamini Temeke kuna vipaji ni fursa tu ndio zinakosekana. Kwa pamoja wameahidi kuwarekodia nyimbo pamoja na video wasanii watakaochukua nafasi tatu za kwanza.