INFENTINO RAIS MPYA FIFA, ANAKAZI KUBWA YA KUREJESHA IMANI KATIKA SOKA NA FIFA

Kwa miaka mitano sasa, pamekuwa na mshindi mmoja tu, hatimaye Sepp Blatter, mtu aliyefungiwa na kusemwa vibaya amefikia mwisho na nafasi yake kuchukuliwa na Gianni Infantino, Rais mpya wa shirikisho la soka ulimwenguni FIFA.

Ushindi wa Infentino unahesabika kama moja ya mafanikio makubwa katika siasa za soka ulimwenguni. Miezi mitano iliyopita wala hakufikiria kugombea nafasi hiyo ya juu, huku bosi wake Michel Platini ndiye aliyefikiriwa kumrithi mtangulizi wake, Blatter.

Lakini kutokana na kashfa iliyoibuliwa na maofisa kutoka Uswiss kuhusiana na malipo ya kiasi cha shilingi bilioni 39.8 (£1.3m), mipango yote ikaharibika na kubadilisha kila kitu. Infentino awali aliingia kama mgombea ili kutia joto kiti cha Platini ikitokea akaponea uchunguzi wa FIFA.

Kwa maana kwamba Platini angeshinda uchunguzi huo basi ni wazi Infetino asingegombea nafasi hiyo. Hata hivyo watu wengi walihisi uwepo wa Infentino katika kinyang’anyiro cha Urais wa FIFA ulikuwa ni mtego wa kuhakikisha hakuna mgombea kutoka bara la Ulaya atakayepita ili kumhakikishia Sheikh Salman wa Bahrain ushindi.

Lakini kampeni zilivyozidi kukolea, Infentino alionesha wazi kuwa yuko katika mbio hizo kushinda. Akipata ufadhili wa dola za Marekani 500,000, alianza safari kwenda nchi mbalimbali, huku wapinzani wake wakiendelea kupigia debe na kukutana na swali la jinsi Bahrain inavyopinga uwepo wa demokrasia nchini humo, ndipo alipoamua kufanya kweli.

Hatimaye ikalipa, wakati wakijaribu kushawishi wapiga kura waliomlinda Blatter na waliomtaka Salman, mikakati ya ikavurugika na kuongeza shinikizo dakika chache zilizobaki, huku kikwazo pekee kikionekana kuwa ni Infentino na kundi lake la UEFA.

Ushindi wa Infentino utaondoa mawazo ya zamani kuwa ulikuwa ni mpango wa Blatter kumuachia kiti Platini na uchaguzi huo huwa unapangwa kwani yeye amechaguliwa kihalali.

Ushindi huo ni mwanzo tu. Infentino ambaye ni mzaliwa kutoka mji ulioko umbali wa maili 10 toka kwa nyumbani kwa Sepp Blatter, atategemewa kuonesha kuwa yeye ni kiongozi tofauti na tabia zake hazifanani na waliomtangulia.

Yeye anaijua soka, na ameshakutana na kashikashi na kashfa za UEFA kuhusiana na upangaji matokeo. Lakini pia anaonekana ni bora zaidi kutokana na kashfa zilizoikumba FIFA. Hata hivyo haitokuwa kazi rahisi kwake. Shirika hilo bado liko kwenye mikono ya sheria nchini Marekani na Mwendesha Mashtaka nchini Uswiss.

Maofisa wamekuwa wakitangaza mipango na madili mbalimbali kuhusiana na mipango ya kombe la dunia kwa miaka mitano sasa, jambo ambalo linaliweka shirika hilo katika uchunguzi.

Infantino ataonekana wa maana zaidi ya Salman kama atatoa ushrikiano kwa wanasheria wa Zurich ambao nao wanashirikiana na FBI wa Marekani, na iwapo atafanya hivyo, basi ulimwngu utarudisha imani kwenye soka na FIFA na yeye.