JB AELEZEA SIRI YA KUWA MSANII BORA WA FILAMU

MSANII wa filamu nchini Jacob Steven 'JB' aibuka kidedea kwa kunyakua tuzo ya msanii bora wa kiume huku Iren Paul kuibuka msanii bora wa kike katika tuzo kutoka kampuni ya Steps Entertainment zilizofanyika mwishoni mwa wiki jijini Dar es Salaam.

Steps Entertainment ni kampuni ya usambazi wa filamu nchini ambapo kwa mara ya kwanza wameweza kuandaa tuzo hizo kwa ajili ya kutoa heshima na kutambua uwezo wa wasanii wa filamu pamoja na kuwapomgeza waliofanya vizuri.


Jb alitwaa tuzo hiyo kupitia movi inayojulikana kwa jina la Nakwenda kwa Mwanangu aliyocheza na msanii wa vichekesho King Majuto huku mzee huyo kuchukua tuzo ya mchekeshaji bora kwa kupitia movi hiyo.

Katika kinyanga'nyiro hicho Jb aliweza kuwadondosha marehemu Steven Kanumba, Ray Kigosi, pamoja na msanii Cloud.

Akizungumza baada ya kupokea tuzo hiyo alisema kuwa juhudi na kutambua unachotakiwa kufanya ni moja ya njia anayoitumia kumfikisha hapo alipo.

Alisema kuwa kutokana na ubora alionao ni tuzo ya tatu anapokea kama msanii bora wa kiume hali hiyo inaonyesha anauwezo na jamii inapokea kazi zake na kuzitambua.

"Hii ni tuzo ya tatu napokea kama msanii bora wa kike hali inayoonyesha kuwa nina uwezo na jamii nzima ambayo ndiyo mashabiki zangu wanatambua na wanaamini kazi zangu" alisema JB

Wakati huo huyo filamu mwisho ya marehemu Steven Kanumba aliyoigiza na Jacqueline Wolper, inayojulikana kwa jina la Ndoa yangu imeibuka na tuzo ya kuwa ndiyo filamu iliyouza zaidi 'best selling movie'